KA KAM LIAM

                                                                                                  Zoremi hmar zote

Chungte'n, "A țha alawm mami nei rawh" an tih tâk fo si-ah chuan ' A țha alawm' chu ka'n nei ve ta poh a! kan inneih hma hian vawikhat chu kan inchibai ve ta awm e. Inneih ni a lo thleng a, kan inmelh relh relh a...

Zan a lo ni, inlêng țîn zovin dar 11 a ri vu tawh. Kan room ah kan chhuk a, tih tur pawimawh zawng zawng leh pawimawh ka siam chawp pawh ka ti zo tawh. Mut a ngai, ka mut a'n chhuak lo lah lah khawp a(h)! 'Ka va chibai leh tawp dawn emawni le?' Ka'n ti deuh a, inneih zan zana inchibai tlut tlut pawh chu niin ka hre silo, amah lah chu khum tlângah a duh loh rài țhut ngût mai a! Ka huaisenna zawng zawng sawm khawmin, "Mu tawh ila" va ti ta ila...a hmeichhia zawkin a mut ka'n rawt hmasa tur chu kapa van ami mit hmuhah leh ama mit hmuhah chuan ka lang khawlo thei viau mai ang tih ka hlau bawk si...

Kan inneih hma lawka Pu Biakliana school huan a țûlpik kan bawhèn țuma kan au ang khan, "Khamawwwn, commando want to brainggchh tih pahin va bawh thlu ta tawp ila" tih ka ngaihtuah zawh rual rual chuan a tuka virgin bawka kan khaw lama thawn lêt ka duh loh chuan tum chi pawh a nilo tih ka hre chhuak nghal a, mahse, engtin tin emaw, hnung zawnga tawlh lûtin khumah chuan kan mu ve thlap!

A enkawlna lama kan tlin em em vang ni bik miah lovin khawngaihtu malsawm thlâwn pek fanau kan han dawng ve mai te hi a va ropui em..! Ràino luakchhuak ațangin chakai sa ei châkah kan kaisang chho a, mawng poh lahin, dul peuh àl-in kan kal kâk ve tak hârh hârh a..!

An lo piang a, anmahni buaipui reng renga hun hmangin ni leh thla a ral zung zung a, nursery rhymes kan tuipui chho a, 'Old macdonald had a farm' tih hlate chu chunglam ațanga pâwlna tharlam dawn
loh chânga min
pawltu langsar deuh a ni ta mai a, a thûm deuh leh sin deuhte'n kan sak chhawk vel mai mai ta fo mai..!

Patling țhankin 'Twinkle twinkle little star' hla sa chunga tihtakzeta an han su uih uih mai te, 'Fate an nui duh e' tih vanga hahchhiau dera pa ber bu tlut tlut leh, thei leh thei lova dawhkan hnuaia 'Tîk bah' țhahnem an han ngai em em mai leh, puitling dik tak țawng fiah hlei thei tlat lo mai te hi nuihzat ngawt chi a ni bik hauh law....a hunlai a ni a, a țul miau a ni mai a ni...!!

Kekawr tereuh te te 18 lek sûk te, fate'n chaw an ei țhat duh nana pasalte han barh țhelh der zuau zuau te hi a hlimawm asin...( barh tâk thut chang pawh a awm fo. Naute-in an lo en reng avanga chhâk ngam silovin, muang ruiha mit khap paha an han lem hram hram lai hian min tinui lo thei țhin lo..!)

Umm...khuanu'n kan chungah zah a ngai ang a, 'a boo boo' tih paha mahni zun beng per chhuk chhuk ka fate hi an la GARAZUAT ve awm emai...!